Yn har wenplak Amsterdam is tiisdei de skriuwster en yllustratrise fan berneboeken Diet Huber ferstoarn. Se is 84 jier âld wurden. Diet Huber waard 9 april 1924 berne yn Ljouwert. Se hat in grut tal berneboeken yn it Frysk en Hollânsk makke, mar sil foaral yn it ûnthald bliuwe as de ‘Mem fan Tutte'. Har bekendste berneferske wie ‘Tutte mei de linten'.
Dat ferskynde foar it earst yn 1953, op de berneside fan de Friese Koerier, dêr't Huber foar wurke fan 1952 oant 1961. It boek ‘Tutte mei de linten' mei ferskes en plaatsjes fan Diet Huber kaam út yn 1955. Op fersyk fan Wim Hora Adema hat se - as opfolchster fan Annie M.G. Schmidt – njoggen jier berneferskes skreaun foar Het Parool. Mear oer Diet Huber yn de krante fan freed,
Gedichten foarlezen troch Diet Huber, opslein by Tresoar:
